រដ្ឋបាលខណ្ឌឫស្សីកែវ សម្រេចផ្អាកដំណើរការជាបណ្ដោះអាសន្នផ្សារតូចទួលសង្កែ ដើម្បីទប់ស្កាត់ការឆ្លងរាលដាលកូវីដ-១៩បំប្លែងថ្មី Delta
ភ្នំពេញ: នៅថ្ងៃព្រហស្បតិ៍ ទី៥ ខែសីហា ឆ្នាំ២០២១ រដ្ឋបាលខណ្ឌឫស្សីកែវ បានសម្រេចផ្អាកដំណើរការជាបណ្ដោះអាសន្នផ្សារតូចទួលសង្កែ នៃសង្កាត់ទួលសង្កែទី១ ខណ្ឌឫស្សីកែវ រយះពេល១៤ថ្ងៃ គិតចាប់ពីម៉ោង ១២៖០០នាទីយប់ថ្ងៃទី០៣ ខែសីហា ឆ្នាំ២០២១ ដល់ថ្ងៃទី១៧ ខែសីហា ឆ្នាំ២០២១ ដើម្បីទប់ស្កាត់ការឆ្លងរីករាលដាលវីរុសកូវីដ-១៩។
រដ្ឋបាលខណ្ឌឫស្សីកែវបានបន្តទៀតថាការផ្អាកដំណើរការជាបណ្ដោះអាសន្នផ្សារតូចទួលសង្កែ ដោយយោងស្ថានភាពចាំបាច់ នៃការរីករាលដាលខ្លាំងជំងឺកូវីដ-១៩ ជាពិសេសមេរោគបម្លែងថ្មី Delta ក្នុងរាជធានីភ្នំពេញ។
រដ្ឋបាលខណ្ឌឫស្សីកែវសង្ឃឹមជឿជាក់ថាបងប្អូនប្រជាពលរដ្ឋ និងសាធារណៈជនជាពិសេសអាជីវករទាំងអស់ ដែលកំពុងប្រកបអាជីវកម្មក្នុងផ្សារតូចទួលសង្កែ មានការយោគយល់អធ្យាស្រ័យ និងចូលរួមអនុវត្តសេចក្ដីជូនដំណឹងនេះឱ្យមានប្រសិទ្ធភាពខ្ពស់។
ដោយត្រូវបង្កើនការប្រុងប្រយ័ត្នឲ្យបានខ្ពស់ ដោយត្រូវចូលរួម អនុវត្តនូវវិធានការការពារ "៣ការពារ និង៣កុំ" និងត្រូវអនុវត្តឲ្យបានម៉ឺងម៉ាត់នូវវិធានការអនាម័យតាមការណែនាំរបស់ក្រសួងសុខាភិបាល ដើម្បីការពារ និងទប់ស្កាត់ការីករាលដាលនៃជំងឺកូវីដ-១៩ ដែលកំពុងឆ្លងរីករាលដាល៕
